Authors Posts by Nithiyaraj

Nithiyaraj

12163 POSTS 0 COMMENTS

இலங்கைப் படையினர் பாலியல் வன்முறை மற்றும் சித்திரவதைகளில் தொடர்ந்து ஈடுபடுவதாக வெளியான குற்றச்சாட்டுக்களை பாதுகாப்பு அமைச்சின் செயலாளர் கபில வைத்தியரட்ன மறுப்பு வெளியிட்டமைக்கு உண்மைக்கும், நீதிக்குமான சர்வதேச அமைப்பின் ( International Truth and Justice Project) தலைவர் யஸ்மின் சூக்கா கண்டனம் வெளியிட்டுள்ளார்.

அமெரிக்காவைத் தளமாகக் கொண்டியங்கும் அசோசியேட் பிறஸ் (Associated Press) என்ற செய்தி நிறுவனத்திற்கு கனடா வன்கூர் மாநிலத்தில் வைத்து வழங்கிய சிறப்பு நேர்காணலில் இலங்கை பாதுகாப்பு அமைச்சின் செயலாளர் கபில வைத்தியரட்ன மறுப்பு வெளியிட்டுள்ளார்.

இந்த மறுப்புத் தொடர்பாக அசோசியேட் பிறஸ் செய்தியாளர் உண்மைக்கும், நீதிக்குமான சர்வதேச அமைப்பின் தலைவர் யஸ்மின் சூக்காவிடம் தொடர்பு கொண்டு கேட்டார்.

அதற்கு கண்டனம் வெளியிட்ட யஸ்மின் சூக்கா பெறுப்பற்ற பதில் என்று தெரிவித்துள்ளார்.

சித்திரவதை இடம்பெற்றது என்று குற்றம் சுமத்தப்பட்ட, அறிக்கை வெளியாகி ஒரு வாரத்தில் நம்பகத்தன்மையுள்ள விசாரணையை இலங்கை அரசாங்கம் நடத்தியிருக்கும் என்பதை ஏற்க முடியாது.

நீதிப் பொறிமுறைகள் குறித்த இலங்கை அரசாங்கத்தின் இத்தகைய நிலைப்பாடுகள் காரணமாகத்தான் இலங்கையில் போரினால் பாதிக்கப்பட்டவர்கள் உள்ளக பொறிமுறைகளை நிராகரிப்பதாக யஸ்மின் சூக்கா சுட்டிக்காட்டினார்.

அதேவேளை கபில வைத்தியரட்ன அசோசியேட் பிறஸ் செய்தி நிறுவனத்திற்கு வெளியிட்ட முழுமையான கருத்து பின்வருமாறு,

படையினர், பாலியல் வன்முறை மற்றும் சித்திரவதைகளில் தொடர்ந்து ஈடுபடுவதாக வெளியான குற்றச்சாட்டுக்கள் அடிப்படையும், ஆதாரமும் அற்றவை.

சித்திரவதை இடம்பெற்றதாக அசோசியேட் பிறஸ் செய்தி நிறுவனம் அறிக்கை வெளியிட்டதும், விசாரணை நடத்தப்பட்டது. ஆனால் படையினர் சித்திரவதைகளில் ஈடுபடவில்லை என விசாரணைகளில் தெரியவந்துள்ளது.

பாலியல் வன்முறை, சித்திரவதைகள் போன்றவற்றை சிறிதளவும் ஏற்றுக் கொள்வதில்லை என்பதுதான் இலங்கை அரசாங்கத்தின் நிலைப்பாடு. தமிழ் இளைஞன் ஒருவரின் முதுகில் பத்துக்கும் அதிகமான சூடுகள் வைக்கப்பட்டுள்ளதாக அந்த அறிக்கையில் கூறப்பட்டுள்ளமை உண்மைக்கு மாறானது.

சிலவேளைகளில்தமிழ் இளைஞர்கள் சித்தரவதை மறுப்புக்கு யஸ்மின் சூக்கா கடும் கண்டனம்! அந்த இளைஞனின் நண்பன் முதுகில் சூட்டுக்காயங்களை ஏற்படுத்தியிருக்கலாம் என்று கபில வைத்தியரட்ன அந்த நேர்காணலில் கூறியுள்ளார்.

ஐம்பதிற்கும் அதிகமான இளைஞர்கள் இலங்கைப் படையினரால் சித்திரவதைக்கு உள்ளாக்கப்பட்டதாக அசோசியேட் பிறஸ் செய்தி நிறுவனம் கடந்த வாரம் அதிர்ச்சித் தகவல் வெளியிட்டிருந்தமை குறிப்பிடத்தக்கது.

உலகில் அமைதியைக் காப்பதற்கான பாதுகாப்பு அமைச்சா்கள் மட்டத்திலான மாநாடு, கனடா வன்கூர் மாநிலத்தில் கடந்த 14, 15 ஆம் திகதிகளில் நடைபெற்றது.

அங்கு கலந்துகொள்வதற்காக இலங்கைப் பாதுகாப்பு அமைச்சர் ரூவான் விஜயரட்ன, பாதுகாப்பு அமைச்சின் செயலாளர் கபில வைத்தியரட்ன, உட்பட இலங்கை பாதுகாப்புத் துறை அதிகாரிகள் பலரும் கனடாவுக்குச் சென்றிருந்தனர்.

அந்த மாநாட்டில் இலங்கையில் தொடர்ச்சியாக தமிழ் இளைஞர்கள் சித்தரவதை செய்யப்படுவதாக வெளியான தகவல்களை பாதுகாப்பு அமைச்சர் மறுத்துள்ளதாக உள்ளகத் தகவல்கள் கூறுகின்றன என்று மேலும் குறிப்பிட்டார்.

செங்கலடி பிரதேச செயலகம் முன்பாக  வெள்ளைக் கல்லுமலை பகுதி மேய்ச்சல் காணி அபகரிப்புக்கு எதிராக ஆர்ப்பாட்டமொன்று இன்று (17) காலை 9.00 மணியளவில் மேற்கொள்ளப்பட்டுள்ளது.

செங்கலடியில் பிரதேச செயலகத்துக்கு உட்பட்ட 1500 ஏக்கர் மேய்ச்சல் காணிகளை மறைமுகமான அரசியல் செல்வாக்கு ஊடாக அபகரித்து வரும், முன்னால் கிழக்கு மாகாணசபை உறுப்பினர் கிஸ்புல்லாவின் நெருங்கிய சகாவான சுபைர் மற்றும் முன்னால் கிழக்கு மாகாண முதலமைச்சர் நசீர் ஹாபிஸ் ஆகியோரின் எதிராக கண்டன ஆர்ப்பாட்டம் நடைபெற்றதாக அந்த ஆர்ப்பாட்டத்தில் கலந்து கொண்ட சிலர் கருத்துத்  தெரிவித்தனர்.

by7

’’யுத்தம் நடைபெற்ற காலத்தில் இவ் செங்கலடி பிரதேச செயலகத்தின் கறுத்த பாலத்தை தாண்டிய கிராமங்கள் தனித்தமிழ் பிரதேசங்களாக இருந்த கிராமங்களாகும். யுத்தம் முடிவுக்கு வந்த பின்னர் ’கிழக்கின் உதயம்’ எனும் பெயரில் குறித்த தமிழ் கிராமத்தில் யுத்தத்தில் பாதிக்கப்பட்ட தமிழ் மக்களுக்கு கிடைத்த சேவைகள் மிகக்குறைவு.

mcc

கறுத்தப்பாலத்தில் இருந்து தொடங்கும் நீண்ட பாதை அபிவிருத்தியால் பதுளை, அம்பாறை மாவட்டங்களில் மங்களகம, உன்னிச்சை போன்ற இடங்களில் சிங்கள குடியேற்றங்கள் பெருகி வருகின்றன.

சிங்கள மக்களைதான் பாதை அபிவிருத்தி மூலம் குடியேற்றினார்கள் என பார்த்தால், இவர்களுக்கு கொஞ்சமும் தாமும் சளைத்தவரில்லை என்பது போல், செங்கலடி பிரதேச சபையில் உள்ளுராட்சி சபை பிரிப்பில் கரடியனாறு சார்ந்த தனி பிரதேச சபை அமைக்கும் போது, புதிதாக குடியேறிய முஸ்லிம்களும் இன்னும் மேலதிகமாக 1500 முஸ்லிம் குடும்பங்களை மாவடியோடை, வண்ணாத்தியாறு, கட்டாலிச்சோலை போன்ற மேய்ச்சல் காணிகளையும் வெள்ளைக்கல்லு மலை பகுதிகளையும் தமது நிலமாக கையகப்படுத்தி, மிகப்பெரிய இஸ்லாமிய குடியேற்ற திட்டமும் அதற்குரிய தனியொரு உள்ளுராட்சி சபையையும் உருவாக்கும் பக்கா திட்டமிடலுடன் ஏறாவூர் முஸ்லிம் அரசியல்வாதிகள் காய் நகர்த்துகின்றார்கள்.’’ என அந்த ஆர்ப்பாட்டத்தில் கலந்து கொண்ட ஒருவர் தனது ஆதங்கத்தை வெளிப்படுத்தியுள்ளார்.

தமிழ்ப் போராளி சந்தேகநபர்கள் மீது சித்திரவதைகள் மற்றும் பாலியல் வல்லுறவுகள் மேற்கொள்ளப்பட்டதாக கூறப்படும் குற்றச்சாட்டுகளை நிராகரித்துள்ள  பாதுகாப்புச் செயலர் கபில வைத்தியரத்ன, இது ஐரோப்பாவில் அரசியல் தஞ்சம் கோருவதற்காக கூறப்பட்ட குற்றச்சாட்டு என்று தெரிவித்துள்ளார்.

சிறிலங்காவின் தற்போதைய ஆட்சிக்காலத்தில், கைது செய்யப்பட்ட 50 இற்கும் அதிகமானோர் சித்திரவதை செய்யப்பட்டதாகவும், பாலியல் ரீதியான வதைகளுக்கு உட்படுத்தப்பட்டதாகவும், அண்மையில் ஏபி செய்தி நிறுவனம் ஒரு ஆய்வு அறிக்கையை வெளியிட்டிருந்தது.

ஐ.நா அமைதிப்படை பாதுகாப்பு அமைச்சர்கள் மட்ட மாநாட்டில் பங்கேற்க கனடாவின் வன்கூவர் நகருக்கு வந்திருந்த, சிறிலங்கா பாதுகாப்புச் செயலர் கபில வைத்தியரத்னவிடம், இந்தக் குற்றச்சாட்டுகள் தொடர்பாக ஏபி செய்தி நிறுவனம் கேள்வி எழுப்பியிருந்தது.

அதற்கு அவர் “இந்தக் குற்றச்சாட்டுகள் அடிப்படையற்றவை. ஆதாரமற்றவை.

பாலியல் மீறல்கள் மற்றும் சித்திரவதைகள் விடயத்தில், சிறிலங்கா அரசாங்கம் சகிப்புத்தன்மையற்ற  கொள்கையை கடைப்பிடிக்கிறது.

சிறிலங்கா அரசாங்கம் எல்லாக் குற்றச்சாட்டுகள் குறித்தும் விசாரித்துள்ளது. மேற்கொள்ளப்பட்ட விசாரணைகள் முடிவடைந்து, அவை மூடப்பட்டு விட்டன.

சிலவேளைகளில் நட்புக்கரங்களால் கூட இவை நிகழ்கின்றன. அவர்கள் கூறுவதன் அடிப்படையில் மாத்திரம், குற்றச்சாட்டுகளை கருத்தில் கொள்ளக் கூடாது. ஏனையவர்களின் கருத்துக்களையும் அறிய வேண்டும்.இதனைக் கவனத்தில் கொள்ள வேண்டும்.

ஏதேனும் குற்றச்சாட்டுகள் இருந்தால், சிறிலங்கா அரசாங்கம் சுதந்திரமான விசாரணையை வரவேற்கும்.

இந்தக் குற்றச்சாட்டுகளின் அடிப்படையில், சிறிலங்காவுக்கான உதவிகள் குறைக்கப்பட வேண்டும் என்று கோருவது, நியாயமற்றது.

இது ஒரு பகுதி மக்களுடன் தொடர்புடைய விடயம் அல்ல. இது எல்லோருக்குமானது. நிதி உதவிகள் ஒரு குறிப்பிட்ட மக்கள் குழுவுக்கு உரியதல்ல.” என்றும் அவர் தெரிவித்துள்ளார்.

வட மாகாணசபை உறுப்பினரும் தமிழ் ஈழ விடுதலை இயக்கத்தின் நிதிச் செயலருமான என். கனகரட்ணம் விந்தன் தனது 2017 ஆம் ஆண்டுக்கான நிதி ஒதுக்கீட்டின் மூலம் யாழ். ஊர்காவற்றுறை புனித அந்தோனியார் கல்லூரி, யாழ். ஊர்காவற்றுறை சென். மேரிஸ் பெண்கள் வித்தியாலயம் மற்றும் யாழ். கரம்பொன் சிறிய புஸ்ப மகளிர் மகா வித்தியாலயம் ஆகியவற்றில் கல்வி கற்கும் வறிய நிலையில் உள்ள முப்பத்தாறு மாணவர்களுக்கு ரூபா நான்கு இலட்சத்து தொன்னூற்று ஆறாயிரத்து எண்ணூறிற்கு (496,800.00) முப்பத்தாறு துவிச்சக்கர வண்டிகளை யாழ். ஊர்காவற்றுறை புனித அந்தோனியார் கல்லூரியில் நேற்று (16) அன்று வழங்கி வைத்தார்.

vinthan - Cycle Donate (3)

காரைநகர், பரித்தியடைப்பு, கரம்பொன், கிழக்குவீதி, மெலிஞ்சிமுனை, நாரந்தனை, சரவணை, தம்பாட்டி, சுருவில், நயினாதீவு, அனலைதீவு, அல்லைப்பிட்டி போன்ற தூர தேசங்களில் இருந்து கால் நடையாகவும், கால்நடையாக நீண்டதூரம் வந்து பின் பேரூந்துகளிலும் பாடசாலை செல்லும் வறிய நிலை மாணவர்களுக்கு துவிச்சக்கர வண்டிகள் வழங்கும்படி பாடசாலை அதிபர்கள்; கோரியிருந்தமைக்கு அமைவாக இவை வழங்கி வைக்கப்பட்டன.

vinthan - Cycle Donate (1)

யாழ். ஊர்காவற்றுறை புனித அந்தோனியார் கல்லூரி அதிபர் அருட்பணி மு.ஜேம்ஸ் சிங்கராயர் தலைமையில் நடைபெற்ற இந் நிகழ்வில் சிறப்பு விருந்தினராக தீவகக் மறைக்கோட்ட குருமுதல்வரும் மண்டைதீவு – அல்லைப்பிட்டி பங்குத்தந்தையுமாகிய ம.டேவிட் அடிகளார் கலந்து சிறப்பித்திருந்தார். மேலும் ரெலோ அமைப்பின் செயற்குழு உறுப்பினரும் தீவக இளைஞர் பாரளுமன்ற உறுப்பினருமான எமால்டன் ஞானகரன் லக்ஸ்மன் மற்றும் ஜேர்மனியைச் சேர்ந்த மருத்துவத்தாதி திருமதி ஜெயந்திரன் ஜெயமலர், கல்லூரியின் பிரதி அதிபர் துஸ்யந்தன், ஆசிரியர்கள், மாணவர்கள், பெற்றோர்கள் எனப் பலரும் கலந்துகொண்டனர்.

Vinthan (1)

காலியில் தாக்குதலுக்கு இலக்கான முஸ்லிம் பிரதேசங்களில் பாதுகாப்பு பலப்படுத்தப்பட்டுள்ளது.

தாக்குதல் சம்பவம் குறித்து அமை்சசர் ரவூப் ஹக்கீம், அப்பிரதேசத்திற்கு விசேட அதிரடிப்படையினரை அனுப்பி வைப்பதற்கு நடவடிக்கைகளை மேற்கொண்டிருந்தார்.

ஜனாதிபதி, பிரதமர், சட்டம் ஒழுங்கு அமைச்சர், பொலிஸ்மா அதிபர் ஆகியோரை தொடர்பு கொண்ட அமைச்சர் ஹக்கீம், கலவரத்தில் ஈடுபடுவர்கள் மீது நடவடிக்கை எடுக்குமாறு வலியுறுத்தியிருந்தார்.

இதனையடுத்து கொழும்பிலிருந்து அப்பிரதேசத்துக்கு அனுப்பப்பட்ட விசேட அதிரடிப்படையினர் கலவரத்தை கட்டுப்பாட்டுக்குள் கொண்டுவருவதற்கான முயற்சிகளில் தற்போது ஈடுபட்டுள்ளனர்.

கலவரம் நடைபெற்ற பிரதேசம் எங்கும் அதிரடிப்படையினர் பாதுகாப்பில் உள்ளனர்.

அத்துடன் கலவரம் செய்யும் நோக்கில் ஒன்று திரள முயலும் நபர்கள் மீது நள்ளிரவு வேளையிலும் கண்ணீர்ப் புகை பிரயோகம் மேற்கொள்ளபட்டு விரட்டியடிக்கப்படுகின்றனர்.

கிந்தோட்ட சந்தியில் உள்ள வீடுகள், கட்டடங்கள் சேதமாகி உள்ளன. தாக்குதலின் காரணமாக தக்கியாப் பள்ளிவாசலின் பல பகுதிகள் சேதமடைந்துள்ளன.

இந்நிலையில், முஸ்லிம் காங்கிரஸ் கட்சியின் முக்கியஸ்தர்களும், விசேட அதிரடிப்படையினருடன் இணைந்து பிரதேசத்தின் பாதுகாப்பை உறுதிப்படுத்துவதில் ஈடுபட்டுள்ளனர்.

கிளிநொச்சி மாவட்டத்தின் சில பகுதிகளில் காலாவதியான திரிபோஷா பக்கெட்கள் வழங்கப்பட்டுள்ளதாக தகவல் பதிவாகியுள்ளது.

கிளிநொச்சி – சாந்தபுரம், உருத்திரபுரம் உள்ளிட்ட சில பகுதிகளிலுள்ள கர்பிணித் தாய்மார்கள் மற்றும் குழந்தைகளுக்கு கடந்த 13, 14 ஆம் திகதிகளில் திரிபோஷா பக்கெட்கள் வழங்கப்பட்டுள்ளன.

கிளிநொச்சி பிராந்திய சுகாதார சேவைகள் பணிமனையினால் இந்த திரிபோஷா பக்கெட்கள் விநியோகிக்கப்பட்டுள்ளன.

எனினும், குறித்த திரிபோஷா பக்கெட்களில் இம்மாதம் 15 ஆம் திகதி காலாவதித் திகதியாகக் குறிப்பிடப்பட்டுள்ளது.

எனவே அவற்றை வழங்கிய போது, உடனடியாகப் பயன்படுத்துமாறு அறிவுறுத்தப்பட்டதாக மக்கள் தெரிவித்தனர்.

காலாவதியாவதற்கு ஓரிரு நாட்களுக்கு முன்னர் வழங்கப்பட்ட திரிபோஷாவை உட்கொண்ட தனது மகனுக்கு வாந்திபேதி மற்றும் வயிற்றோட்டம் ஏற்பட்டதாக சாந்தபுரத்தைச் சேர்ந்த தந்தை ஒருவர் குறிப்பிட்டார்.

அரசாங்கத்தினால் வழங்கப்படும் இவ்வாறான சத்துணவுகள் தொடர்பில் அதிகக் கரிசனை செலுத்தப்படல் வேண்டும் அல்லவா?

இந்த விடயம் தொடர்பில் கிளிநொச்சி பிராந்திய சுகாதார சேவைகள் பதில் பணிப்பாளரிடம்  வினவியதுபோது.

இது குறித்து ஆய்வு செய்வதற்காக குழு ஒன்று நியமிக்கப்பட்டுள்ளதாக கிளிநொச்சி பிராந்திய சுகாதார சேவைகள் பதில் பணிப்பாளர் எஸ்.மைதிலி தெரிவித்தார்.

நுவரெலியாவில் இரு பிள்ளைகளின் தாயொருவர் வெட்டுக்காயங்களுடன் சடலமாக மீட்கப்பட்டுள்ள நிலையில், அவரது கணவரும் நஞ்சருந்திய நிலையில் வைத்தியசாலையில் அனுமதிக்கப்பட்டுள்ளார்.

ஹாவாஎலிய பகுதியில் அமைந்துள்ள மின்சார சபைக்கு அருகிலிருந்தே இன்று குறித்த பெண்ணின் சடலம் மீட்கப்பட்டுள்ளதாக பொலிஸார் தெரிவித்துள்ளனர்.

இது தொடர்பில் பொலிஸார் கூறும் போது;

குறித்த பெண்ணின் கணவர் கணேஷன் மத்திய கிழக்கு நாடு ஒன்றுக்கு சென்று தொழில் புரிந்து நாடு திரும்பிய நிலையில் தொழிலற்று இருந்து வந்துள்ளார்.

இந்த சந்தர்ப்பத்தில் கணவன், மனைவிக்கு இடையில் ஏற்பட்ட தகராறு காரணமாக இவர்களுக்கு இடையில் விவாகரத்தும் இடம்பெற்றுள்ளது.

நான்கு வயது மற்றும் ஒன்பது வயது பிள்ளைகளுடன் தனித்து வாழ்ந்து வந்த குறித்த பெண் (பெரியசாமி சியாமலா) இன்று காலை ஹாவாஎலிய பகுதியில் கழுத்து மற்றும் கைகளில் வெட்டுக்காயங்களுடன் சடலமாக மீட்கப்பட்டுள்ளார்.

இதேவேளை, பெண்ணின் கணவர் நஞ்சு அருந்திய நிலையில் இன்று நுவரெலியா மாவட்ட வைத்தியசாலையில் அனுமதிக்கப்பட்டுள்ளார்.

மனைவி சடலமாக மீட்கப்பட்ட சம்பவத்திற்கு பின்பே, இவர் நஞ்சருந்திய நிலையில் வைத்தியசாலையில் அனுமதிக்கப்பட்டுள்ளமை விசாரணைகளில் இருந்து தெரியவந்துள்ளதாக குறிப்பிட்டுள்ளனர்.

இந்த நிலையில் சம்பவம் தொடர்பில் மேலதிக விசாரணைகளை பொலிஸார் மேற்கொண்டு வருகின்றனர்.

வாள்வெட்டு சம்பவங்களுடன் தொடர்புடையவர்கள் எவரும் கைது செய்யப்பட்டதாக தெரியவில்லை. எனவே இவ்வாறான வாள்வெட்டு சம்பவங்களுக்கு பொலிஸார் உடந்தையாக இருக்கிறார்களா? என்னும் சந்தேகம் எழுகின்றது என வட மாகாணசபை உறுப்பினர் ச.சுகிர்தன் தெரிவித்துள்ளார்.

யாழ். ஊடக அமையத்தில் இன்று இடம்பெற்ற ஊடகவியலாளர் சந்திப்பில் கலந்து கொண்டு கருத்து தெரிவிக்கும் போதே அவர் இதனை தெரிவித்துள்ளார்.

கோண்டாவிலில் பொலிஸார் மீதான வாள்வெட்டு சம்பவம் நடந்த உடனேயே வாள்வெட்டு சம்பவங்களுடன் சம்மந்தப்பட்டவர்கள் உடனடியாக கைது செய்யப்பட்டார்கள்.

ஆனால் தற்போது நடைபெறும் வாள்வெட்டு சம்பவங்களுடன் தொடர்புடையவர்கள் எவரும் கைது செய்யப்பட்டதாக தெரியவில்லை.

எனவே இவ்வாறான வாள்வெட்டு சம்பவங்களுக்கு பொலிஸார் உடந்தையாக இருக்கிறார்களா? என்னும் சந்தேகம் எழுகின்றது.

விசேட பொலிஸ் குழுக்களை அமைத்து வாள்வெட்டு சம்பங்களுடன் தொடர்புடையவர்களை உடனடியாக கைது செய்து சட்டத்தின் முன் நிறுத்துவதற்கான நடவடிக்கைகள் எடுக்கப்பட வேண்டும். எனத் தெரிவித்தார்.

ரஷ்யா வெளியிட்டுள்ள குறிப்பிட்ட வீடியோவில் அமெரிக்கா ஐஎஸ்ஐஎஸ் அமைப்பை எப்படியெல்லாம் காப்பாற்றுகிறது என்று விளக்கப்பட்டு இருக்கிறது.
 
இந்த வீடியோ வெளியாகி சர்ச்சையை ஏற்படுத்திய நிலையில், சிறுது நேரத்தில் இது டெலிட் செய்யப்பட்டது. அதன் பின்னர்தான் இந்த வீடியோவின் பின்னணியில் உள்ள காரணம் வெளியாகியது.
 
அதாவது இது உண்மையான வீடியோ இல்லை, ஒரு வீடியோ கேம் என தெரியவந்ததால் அது டெலிட் செய்யப்பட்டுள்ளது. இது பிரபல ஏசி-130 வீடியோ கேம் ஆகும்.
 
அதைதான் ரஷ்யா இணையத்தில் பதிவேற்றி சர்ச்சையை ஏற்படுத்தியுள்ளது. அந்த வீடியோவில் ஐஎஸ்ஐஎஸ் அமைப்புக்கு அமெரிக்கா பணம் கொடுத்து உதவுவதும், சிரியா மற்றும் ஈராக் நாடுகள் ஐஎஸ்ஐஎஸ் அமைப்பை அழிக்காமல் அமெரிக்கா காப்பாற்றுவது போலவும் இருந்தது.
 
மேலும் அமெரிக்க ராணுவ வீரர்கள் ஐஎஸ்ஐஎஸ் அமைப்பின் வாகனங்களை பராமரிப்பதும், அவர்களுக்கு போர் முறைகளை சொல்லி கொடுப்பதும் இடம் பெற்று இருந்தது குறிப்பிடத்தக்கது.

யாழ். வடமராட்சி கடற்பகுதிகளில் இந்திய முகவரி பொறிக்கப்பட்ட மருத்துவக் கழிவுகள் கரையொதுங்குவதாக மீனவர்கள் தெரிவித்தனர்.

வடமராட்சி கடற்பகுதிகளான தொண்டமானாறு, அக்கரை, வளலாய் கடற்பகுதிகளில் கடந்த சில தினங்களாக மருத்துவக் கழிவுகள் கரையொதுங்குவதாக மீனவர்கள் குறிப்பிட்டனர்.

ஊசிமருந்து, காண்ணாடிப் போத்தல்கள், பிளாஸ்டிக் பக்கெட்கள் போன்ற மருத்துவக் கழிவுகள் இந்தியாவிலிருந்து வருகின்றதா என்ற சந்தேகம் தமக்கு எழுந்துள்ளதாகவும் மீனவர்கள் தெரிவித்தனர்.

மூன்று உரப்பைகளில் மருந்துப்பொருட்கள் மற்றும் வெற்று மதுப்போத்தல்கள் கரை ஒதுங்கியதாகவும், இவை கப்பல் ஊழியர்கள் பயன்படுத்திவிட்டு கடலில் போட்டிருக்கக்கூடும் எனவும் வடமாகாண சுகாதார அமைச்சர் ஜி.குணசீலன் கருத்துத் தெரிவித்தார்.

இது தொடர்பில் கடற்படைப் பேச்சாளரிடம்  வினவியபோது.

இந்த சம்பவம் தொடர்பில் எதுவும் தமக்கு அறியக்கிடைக்கவில்லை எனவும் ஆராய்ந்து பதிலளிப்பதாகவும் கடற்படைப் பேச்சாளர், கமாண்டர் தினேஸ் பண்டார தெரிவித்தார்.